Otsagabiko naturaren interpretazio zentroak eta turismo bulegoak hiru solairuko eta harrizko eraikin tradizional handi bat partekatzen dute Anduña ibaiaren ertzean. Bertan, Zaraitzu ibarra eta bertako natura bistaratzen ahalko dituzu, Iratiko oihana nagusi dela.

Beheko solairuan harrera dago, eta bertan, turismo bulegoan, eremuari buruzko turismo eta ingurumen informazioa ematen da. Horrez gain, maketa handi bat dago, ibarrean kokatzen laguntzeko, baita herriei buruzko informazioa jasotzen duten panelak ere.